Atyraýda áskerden dosyn kútip alǵandar aıyppul tóleıtin boldy
ATYRAÝ. QazAqparat – Atyraýda áskerden dosyn kútkender kólik terezesinen denesin shyǵaryp júrgen, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetine sensek, 30 maýsym saǵat 14:00 shamasynda temirjol vokzaly mańynda «Lexus RX», «Nissan Primera», «VAZ-2110» markaly avtokólikter toqtatylǵan.
«Tekserý kezinde atalǵan avtokólik júrgizýshileri áskerden oralǵan 19 jasar jigitti temirjol vokzalynan kútip alǵan. Sarbazdyń áskerden oralǵanyna qýanǵan 18 jáne 19 jastaǵy úsh jigit qaýipsizdik beldigin taqpastan avtokólik terezesinen, ústińgi oıyǵynan denesin shyǵaryp, jol erejesin buzǵan. Osyǵan baılanysty úsh jigitke QR Ákimshilik quqyq buzý kodeksiniń 615-babynyń 1-bólimimen ákimshilik hattama toltyrylyp, árqaısysyna 5 834 teńge kóleminde aıyppul salyndy», - dep habarlady departamenttiń baspasóz qyzmeti.
Sondaı-aq, úsh kóliktiń júrgizýshisine QR Ákimshilik quqyq buzý kodeksiniń 593-babynyń 2-bóligimen ákimshilik hattama toltyrylyp, árqaısysyna 14 585 teńge kóleminde aıyppul salynǵan.
Eske sala ketelik, buǵan deıin Qulsaryda kólik terezesinen denesin shyǵarǵandar jazalanǵanyn habarlaǵan bolatynbyz.
