Atyraýda Ashyq jobasynyń kóshbasshylary saǵat 02:00-ge deıin jumys isteıdi
Bul týraly oblystyń bas sanıtar dárigeri Mádenıet Tanaýovtyń jańa qaýlysynda aıtylǵan.
«Ashyq» jobasyna qatysatyn áleýmettik-ekonomıkalyq obektileri saǵat 00.00-ge deıin, «Ashyq» jobasynyń kóshbasshylaryna saǵat 02.00-ge deıin jumys isteýge ruqsat etilsin. Demalys kúnderi qyzmetkerler men kelýshilerde «jasyl» mártebesi (vaktsınatsııa, synama alǵan kezden bastap 7 táýlikten aspaıtyn teris nátıjesi bar PTR testi, turaqty medıtsınalyq qarsy kórsetilimderi bar, sońǵy 3 aı ishinde aýyryp jazylǵan adamdar) bolǵan jaǵdaıda jumys isteýge ruqsat etiledi. «Jasyl mártebe» bolýǵa qoıylatyn talap oblysaralyq jáne oblysishilik turaqty tasymalǵa, qonaq úılerge, áýejaılarǵa, temirjol vokzaldaryna, bilim berý obektilerine, JOO, kolledjderge, ınternattarǵa, bilim berý uıymdarynyń jataqhanalaryna qoldanylmaıdy» -delingen qaýlyda.
Sondaı-aq, «Ashyq» jobasyna qatyspaıtyn nysandardan basqa «jasyl mártebe» bolǵan jaǵdaıda (vaktsınatsııa, synamalardy irikteý sátinen bastap 7 táýlikten aspaıtyn teris nátıjemen test PTR, turaqty medıtsınalyq qarsy kórsetilimderi bar adamdar, sońǵy 3 aı ishinde aýyryp jazylǵan adamdar) kórermendermen sporttyq is-sharalardy 30%-dan aspaıtyn ýaqytta toltyrýǵa ruqsat etilip otyr.
Jańa qaýlyda 15 qyrkúıekte saǵat 00:00-den bastap kúshine enedi.
Eske sala ketelik, budan buryn Atyraýda keıbir nysandardyń jumys ýaqyty túngi 02:00-ge deıin sozylatynyn habarlaǵan bolatynbyz.
