Atyraýda Ashyq-qa qatyspaǵan dámhanalardyń jumysy toqtatyldy

ATYRAÝ. QazAqparat – Atyraý oblysynda «Ashyq» jobasyna qatyspaıtyn dámhanalardyń jumys ýaqyty shekteldi, dep habarlaıdy QazAqparat.

Bul týraly oblystyń bas sanıtar dárigeri Mádenıet Tanaýovtyń jańa qaýlysynda aıtylǵan.

Qaýlyǵa sáıkes, qoǵamdyq tamaqtaný nysandary, onyń ishinde jazǵy alańdary jumys kúnderi saǵat 07.00-den 20.00-ge deıin jumys isteıdi. Al, senbi men jeksenbi kúnderi jumys isteýine tyıym salynyp otyr.

«Ashyq» jobasyna qatysatyn qoǵamdyq tamaqtaný obektileri, onyń ishinde banket zaldary (meıramhanalar men dámhanalar tıpi boıynsha qyzmet kórsetý) úshin úı-jaı ishinde jáne ashyq aýada jumys rejımi jumys jáne demalys kúnderi saǵat 07:00-den 22:00-ge deıin (ujymdyq is-sharalar ótkizbeı, 30-dan aspaıtyn otyratyn oryn ornata otyryp, ústelder arasyndaǵy qashyqtyqtyń keminde 2 metr saqtalýyn qamtamasyz ete otyryp, bir ústelge otyrǵyzý bir otbasynyń múshelerin qospaǵanda 4 adamnan aspaýy tıis) jumys isteıdi» -delingen qaýlyda.

Eske sala ketelik, budan buryn Atyraýda qandaı shekteýler kúsheıtilgenin habarlaǵan edik.