Atyraýda «Ashyq ákimdik» front-ofısi ashyldy
Jańa front-ofıstiń ashylýyna QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev pen Atyraý oblysynyń ákimi Mahambet Dosmuhambetov qatysty.
Jańa jobany tanystyrǵan Atyraý qalasynyń ákimi Qaırat Orazbaevtyń aıtýynsha, «Ashyq ákimdik» jobasy Prezıdent Qasym-Jomart Toqaevtyń «halyq únine qulaq asatyn memleket» qaǵıdatyn júzege asyrý maqsatynda ashylǵan. Basty mindet – memlekettik organ men halyq arasyndaǵy baılanysty nyǵaıtý.
Atyraý qalalyq ákimdiginiń birinshi qabatynda ornalasqan jańa keńseniń aýmaǵy 328,9 m2 quraıdy. Front-ofıste qalalyq ákimdiktiń 5 mamany qyzmet kórsetedi.
«Turǵyndar jer qatynastary máselesi, áleýmettik qamtý jáne turǵyn úı kommýnaldyq sharýashylyǵy baǵytyndaǵy memleketettik qyzmetterdi ońaı alady. Óıtkeni, munda qalalyq ákimdiktiń jalpy bóliminiń mamandary qala ákimi men orynbasarlarynyń qabyldaýyna tirkeıdi. Munda qala ákiminiń orynbasarlary men birneshe bólim mamandary ashyq úlgide jumys isteıdi. Qujattardy jınaqtaýdy jeńildetý maqsatynda halyqqa qyzmet kórsetý ortalyǵynyń mamandary da bar» -dedi qala ákimi Qaırat Orazbaev.
Qala ákiminiń aıtýynsha, «Ashyq ákimdik» keńsesin jasaqtaý qarasha aıynda bastalǵan. Burynǵy kabınetterdiń ornyna áınekpen bólingen arnaıy alań jasalǵan. Mundaǵy opertsııalyq zalda kútý zaly birge qarastyrylǵan.
Front-ofıste azamattardyń elektrondy úkimet kómegimen ózine-ózi qyzmet kórsetý bólmesi ashylǵan. Balalarǵa arnalǵan oıyn buryshy men kofe-rým kelýshilerge arnalǵan.
Eske sala ketelik, budan buryn QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev memlekettik apparattyń basty mindeti –azamattarǵa qoljetimdi qyzmet kórsetý ekenin aıtqan edi.