Atyraýda «Arys, biz birgemiz» aktsııasy aıasynda gýmanıtarlyq kómek jınaldy

ATYRAÝ.QazAqparat - Atyraýda 20 tonna gýmanıtarlyq júk jınaldy. Onyń ishine azyq-túlikter, jeke gıgıena quraldary jáne birinshi kezekte qajetti zattar kiredi, dep habarlaıdy QazAqparat tilshisi.

«Dına» saýda ortalyǵy dırektorynyń aıtýynsha, munaıly óńirden alǵashqy gýmanıtarlyq júk búgin, 25 maýsym kúni attanady. Kómekke saýda ortalyǵynan jalǵa alyp otyrǵan 100-den astam kásipker atsalysty.

"Atyraý oblysynyń ákimi Nurlan Noǵaev Arys qalasyndaǵy tótenshe jaǵdaı saldarynan zardap shekkenderdi qoldaýǵa jáne turǵyndarǵa kómek kórsetýge shaqyrdy. "Arys, biz birgemiz" atty jalpy qazaqstandyq aktsııaǵa qatysýǵa sheshim qabyldadyq. Osynyń arqasynda 20 tonna qajetti júk jınaldy. Qazir biz barlyq júkterdi tıep jatyrmyz.


Jaqyn arada gýmanıtarlyq kómek jóneltiletin bolady. Budan bólek, BAQ jarııalaǵan bank shottaryna qarajattaryn aýdarýda",- deıdi «Dına» saýda ortalyǵynyń dırektory Nurlan Táýekel.



Aıta keteıik, 24 maýsym kúni tańerteń Arys qalasynda áskerı bólimniń qoımasynda jarylys oryn alǵan bolatyn. Qoımalarynyń birinde órt bastalyp, artynsha jarylysqa ulasqan. Barlyq turǵyndar evakýatsııalanyp, jaqyn mańdaǵy eldi mekenderge jetkizildi.