Atyraýda «Arnaıy avtobazanyń» burynǵy basshylary sottaldy
ATYRAÝ. QazAqparat - Atyraýda «Arnaıy avtobaza» JShS burynǵy basshylary Samat Turnııazov pen onyń orynbasary Asqar Qaldybaev jalpy rejimdegi kolonııada 5 jyldan jazalaryn óteıdi, dep habarlaıdy QazAuparat tilshisi.
№2 qalalyq sotynda «Arnaıy avtobaza» JShS burynǵy basshylary men eki fırmanyń basshylary Erbol Qýanysh pen Artýr Sultanovtyń qylmystyq isi boıynsha sot otyrysy ótti. Olarǵa bireýdiń senip tapsyrǵan múlkin ıemdendi nemese jaratty, qyzmetti ýákilettikterin asyra paıdalandy, iri kólemde alaıaqtyq jasady degen aıyp taǵyldy. Aıyptaý nusqasy boıynsha, JShS basshylary memleketke 65 mln 300 myń teńge zalal keltirgen», - dep habarlady oblystyq sottyń baspasóz hatshysy Boranbaı Ǵalıev.
Sondaı-aq, S.Turnııazov uly E.Qýanyshqa tegin tehnıka berip, «Arnaıy avtobaza» JShS-ǵa 41 mln 300 myń teńge zalal keltirgen.
«Túrnııazov pen Qaldybaev 5 jylǵa bas bostandyqtarynan aıyryldy. Sultanovtyń bostandyǵy 5 jylǵa shektelip, probatsııalyq baqylaý belgilendi. Ol májbúrli jumysqa tartylady. E.Qýanysh 195-baptyń 1-bóligi boıynsha aıypty dep tanyldy, biraq aıyptaý merziminiń eskirgenine baılanysty qylmystyq jaýaptan bosatyldy», - dedi B.Ǵalıev.
Sottalýshylar sottyń sheshimimen memleketke keltirgen zalaldaryn óteıtin bolady.
Avtor: A. Sokolov
