Atyraýda Armenııadan ákelingen alǵashqy kólik tirkeldi
«EAEO elderinen ákelingen kólikti tirkeý úshin ıeleri demalys kúnin tańdaıdy. Búgin Atyraý oblystyq mamandandyrylǵan HQO-da Armenııa Respýblıkasynan Qazaqstanǵa ákelingen alǵashqy kólik tirkeldi. Avtokólik ıelerine qolaıly bolýy úshin EAEO elderinen jetkizilgen temir tulparlardy tirkeıtin avtoHQO demalys kúnderi de jumys isteı beredi», - dep habarlady aımaqtyń PD baspasóz qyzmeti.
«Toıota Kamrı» markaly avtokólik ıesi – 29 jastaǵy Atyraý turǵyny.
«Men kólikti bir jyl buryn Armenııadan alyp keldim, tirkeıin dep sheshtim. Búgin senbi, avtoHQO demalys kúnderi de jumys isteı beretini óte qolaıly. Bul jerde memlekettik baj salyǵyn tóledim, maǵan kólikti resmı túrde rásimdedi. Barlyq rásimdeý protsesi tez ótti. Endi meniń avtokóligim elde zańdy negizde tirkeýde tur», – dep túsindirdi Aslan Imanǵalıev.
