Atyraýda Armenııadan ákelingen 1000-shy avtokólik tirkeldi
Oblystyq polıtsııa departamenti baspasóz qyzmetiniń málimetinshe, kólik quraldaryn tirkeý úshin ıeleri Armenııa Respýblıkasynyń ýákiletti organynan berilgen qujatty, jeke kýáligi, memlekettik tirkeý men baj salyǵyn tóleý týraly túbirtekterdi sondaı-aq, memlekettik tirkeý nómirlik belgilerin usynýy qajet. Bul qujattar memlekettik nemese orys tiline aýdarylyp, notarıaldy kýálandyrýy tıis.
«Bizdiń elimizde tirkeýden ótken kólikterge sary tústi memlekettik nómir beriledi. Al. oń jaq róldi kólikter tirkeýge jatpaıdy. Armenııadan ákelingen kólik quraldaryn tirkeý erejeleri týraly polıtsııa departamenti ákimshilik polıtsııa basqarmasynyń qyzmetkerleri mamandandyrylǵan halyqqa qyzmet kórsetý ortalyǵyndaǵy arnaıy Call- ortalyqtarynda, sonymen birge, 8775-056-94-68, 98-10-55 telefondary arqyly túsinik berýde.
Osy kezge 2500 azamat, onyń 1114-i mamandandyrylǵan HQKO-dan tıisti keńester aldy.
Maýsym aıynan beri Armenııa Respýblıkasynan ákelingen 1000 kólik quraly esepke alyndy» - dedi oblystyq polıtsııa departamenti bastyǵynyń birinshi orynbasary Berik Amangeldi.
Onyń aıtýynsha, Atyraý oblysyna Armenııa Respýblıkasynan 7000-ǵa jýyq, onyń ishinde 2279 oń jaq róldi kólikter ákelingen. Al, 1000-ǵa jýyq kólik elimizdiń basqa óńirleriniń turǵyndaryna saqtandyrý jáne senimhattar boıynsha berip jiberilgen. Sondaı-aq, 200-den astam kólik tehnıkalyq jaı-kúıine baılanysty bólshektelip ketken.
Eske sala ketelik, budan buryn Atyraýda polıtseıler qujatsyz janarmaı tasymaldaǵandardy ustaǵan edi.
