Atyraýda armatýra jetkizýshiler monopolııaǵa qarsy zańnama talabyn buzǵan
ATYRAÝ. QazAqparat – Atyraýda armatýra jetkizýshiler monopolııaǵa qarsy zańnama talabyn buzǵan, dep habarlaıdy QazAqparat.
Básekelestikti qorǵaý jáne damytý agenttigi Atyraý oblysy boıynsha departamentiniń mamandary júrgizgen taldaýda qurylys materıaldary naryǵynda baǵanyń ósýiniń negizdiligi turǵysynan monopolııaǵa qarsy zańnama buzylǵan.
«Armatýra naryǵynda taýarlardy óndirýdi, ótkizýdi júzege asyratyn «ÝralMetallInvest» jáne «Qaztemirkontrakt» JShS-niń jumysyna taldaý júrgizildi. Taldaý qorytyndysyna sáıkes, bul kompanııalardyń is-áreketinde básekelestikti shekteýge baǵyttalǵan, onyń ishinde armatýraǵa baǵalardy belgileýge jáne ustap turýǵa qatysty monopolııaǵa qarsy zańnamany buzý belgileri anyqtaldy. Osyǵan baılanysty kompanııalarǵa baǵany tómendetý qajettiligi týraly usynys joldandy. Atalǵan kompanııalar monopolııaǵa qarsy organnyń usynysymen armatýra baǵasyn 9%-ǵa deıin tómendetti» -degen aqparat taratty óńirlik departamentten.
Eske sala ketelik, budan buryn Atyraýda saýda jelileri azyq-túlik jetkizýshilerden tólemderdi zańsyz talap etkenin habarlaǵan bolatynbyz.
