Atyraýda aptap ystyqtyń saldarynan kóshelerdi túnde tazalaıtyn boldy
ATYRAÝ. QazAqparat - Atyraýda aptap ystyq bolǵandyqtan kóshe jınaýshylardyń jumysy túnge aýystyryldy, dep habarlady «QazAqparat» HAA tilshisi.
«Men úshin, árıne kez kelgen basshy úshin, birinshi kezekte, adamdardyń densaýlyǵy men qaýipsizdigi mańyzdy. Sondyqtan kóleńkede 40 gradýs ystyq bolǵanda, kúndiz jolda adamdar jumys istemeıdi. Aýysym kúndizgi ystyq basylǵannan keıin bastalady», - dedi «Spetsavtobaza» JShS dırektory Samat Turnııazov.
Sınoptıkterdiń habarlaýynsha, Atyraýda, oblysta ystyq aýa raıy 21 shildege deıin sozylady.
Eske salsaq, qysta qatty aıaz kezinde kóshe tazalaýshylarǵa ystyq shaı berilip, bálish taratylǵan. Sonymen birge olar jumys ýaqytynda avtobýstarǵa kirip jylynyp otyrǵan.
