Atyraýda apatty úıdiń turǵyndary jańa páterge ıe boldy

ATYRAÝ. QazAqparat –Atyraýda osy kezge deıin apatty turǵyn úıde turyp kelgen 32 otbasy jańa páterge ıe boldy, dep habarlaıdy QazAqparat.

Atyraý qalalyq turǵyn úı-kommýnaldyq sharýashylyǵy bóliminiń málimetine súıensek, byltyrdan beri apatty jaǵdaıdaǵy turǵyn úıler men jatahanalardyń turǵyndaryn jańa mekenge kóshirý jalǵasyp jatyr.

«Ótken jyly A.Qunanbaev jáne J.Dosmuhambetov kóshesindegi 2 jataqhananyń turǵyndary «Bereke» yqshamaýdanyndaǵy jańa úıge kóshirildi. Al, bıyl 2 apatty úıdiń turǵyndaryna jańa páterlerdiń kilti tabystaldy. Atap aıtqanda, M.Áýezov kóshesinde ornalasqan №22 úıdiń turǵyndaryna «Juldyz» yqshamaýdanyndaǵy úıden páter berildi. Al, Dostyq kóshesindegi №14 úıdiń turǵyndary «Bereke» yqshamaýdanyndaǵy jańa mekenge kóshirildi. Endi mine, «Birlik» yqshamaýdanyndaǵy ATP-1, ATP-2 meken-jaıyndaǵy apatty dep tanylǵan turǵyn úılerden 32 otbasy «Juldyz» yqshamaýdanyna qonys aýdardy» dep habarlady Atyraý qalalyq turǵyn úı-kommýnaldyq sharýashylshyǵy bóliminiń mamandary.

Atalǵan bólim mamandarynyń aıtýynsha, apatty turǵyn úıler men jatahanalardyń turǵyndaryn kóshirý jalǵasa beredi.