Atyraýda ańshy pyshaǵymen jáne tapanshamen júrgender ustaldy

ATYRAÝ. QazAqparat - Atyraýda ustalǵandardan 10-ǵa jýyq ańshy pyshaǵy, 2 tapansha jáne psıhotropty dári-dármekter alyndy, dep habarlaıdy QazAqparat tilshisi.

Atyraý oblysynyń komendanty – oblystyq Polıtsııa departamentiniń bastyǵy Qamza Úmbetqalıevtiń aıtýynsha, sýyq qarýmen júrgender jeksenbi, 9 qańtarda ustaldy.

«Tótenshe jaǵdaı talabyna sáıkes blokbeketten ótetin kólikter, júrgizýshiler men jolaýshylar muqııat tekseriledi. Polıtsııa qyzmetkerleri blokbeketten ótpek bolǵan kólikti tekserý kezinde 10-ǵa jýyq ańshy pyshaǵyn, áseri joǵary psıhotropty dárilerdi tapty.

Al Atyraý qalasynyń aýmaǵynda psıhotropty dári-dármekterdi satpaq bolǵandar ustaldy. Olardan 2 tapansha, 736 tabletka, 236 ampýla túrindegi psıhotropty dári-dármekter tárkilendi», - dedi Q.Úmbetqalıev.

Budan buryn Atyraýdaǵy jappaı tártipsizdikten 49 polıtseı men 27 sarbaz dene jaraqatyn alǵanyn habarlaǵan edik.