Atyraýda ańshy qoıan atamyn dep qomaqty qarjysynan qaǵyldy
ASTANA. QazAqparat - Atyraý oblysynda qoıan aýlaýǵa shyqqan ańshyǵa 45 myń teńge aıyppul salyndy. Bul jaıynda QR Joǵarǵy sotynyń resmı saıtynda jarııa etildi, dep habarlaıdy QazAqparat.
Vedomstvo málimetinshe, quqyq buzýshy ishki ister organdarynda tirkelmegen tegis uńǵyly kalıbri 4,5 mıllımetrden asatyn qarýdy zańsyz saqtaǵan. Sonymen qatar ol 2017 jyldyń 20 jeltoqsanynda saǵat 01:00 shamasynda qarýmen jáne 14 dana oq-dárimen qoıan atyp júrgen jerinen Batys Qazaqstan oblysy Taıpaq aýyly mańynda balyq resýrstaryn qorǵaý jáne orman sharýashylyǵy ınspektorlaryna ustalǵan.
Atyraý oblysynyń Inder aýdandyq sotynda quqyq buzýshy kinásin tolyǵymen moıyndady. Sot qaýlysymen ol kináli dep tanyldy jáne qarýy tárkilenip, 45 380 teńge aıyppul jazasy taǵaıyndaldy. Sot qaýlysy zańdy kúshine engen joq.
