Atyraýda anasyn urǵan er adam 10 kúnge qamaldy
ATYRAÝ. QazAqparat – Atyraýda anasyn urǵan er adam 10 kúnge qamaldy, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna qaraǵanda, 46 jastaǵy er adam ishkilikke salynǵan.
«Egde jastaǵy áıelden «102» operatoryna balasynyń mas kúıinde otbasylyq janjal shyǵarǵany týraly habar tústi. Іshkilikke salynǵan er adam úıiniń terezesin syndyryp, anasyn uryp-soqqan. Er adam ishimdik ishýin toqtatpaǵan. Egde jastaǵy anasymen birneshe ret janjaldas. Anasyna psıhologııalyq jáne fızıkalyq jábir kórsetken» -dep habarlady departamenttiń baspasóz qyzmeti.
Ýchaskelik polıtsııa ınspektory anasyn urǵan azamatqa qatysty QR Ákimshilik quqyqbuzýshylyq týraly Kodeksiniń 73-baby, 2-bóligimen (Uryp soǵý) ákimshilik hattama toltyrǵan. Mamandandyrylǵan qalalyq sottyń sheshimimen er adam 10 táýlikke qamaýǵa alyndy.
Eske sala ketelik, budan buryn Atyraýda balalarynyń kózinshe ishimdik ishken áıeldiń quqyǵy shekteletinin habarlaǵan bolatynbyz.
