Atyraýda anasyn birneshe ret balaǵattaǵan jigit 10 kúnge qamaýǵa alyndy
Atyraý oblysynyń Mahambet aýdandyq sotynda QR Ákimshilik quqyqbuzýshylyq týraly kodeksiniń 73-babynyń 2-bóligimen B.A.-ǵa qatysty is qaraldy.
«Sot talqylaýy kezinde Mahambet aýdanynyń jumys istemeıtin 31 jastaǵy turǵyny B.A. anasyn syılamaı, bylapyt sóıleıtini, sóıtip, otbasy tynyshtyǵyn buzǵany anyqtaldy. Ol osyndaı teris áreketke ekinshi ret baryp otyr. Bıylǵy jyldyń 9 qańtarynda ol osy tektes áreketi úshin QR Ákimshilik quqyqbuzýshylyq týraly kodeksiniń 73-babynyń 1-bóligimen ákimshilik jazaǵa tartylyp, eskertý alǵan. Biraq, burynǵy isinen esh nátıje shyǵarmaı, qaıtalap quqyq buzýshylyq jasaǵan», -dep habarlady aýdandyq sottyń baspasóz qyzmeti.
Mahambet aýdandyq sotynyń qaýlysymen B.A. QR Ákimshilik quqyqbuzýshylyq týraly kodeksiniń 73-babynyń 2-bóligimen kináli dep tanyldy. Oǵan 10 táýlikke ákimshilik qamaqqa alý jazasy taǵaıyndaldy.
Sot qaýlysy zańdy kúshine endi.
Eske sala ketelik, budan buryn Atyraý oblysynda jasóspirimniń ólimine sebepker bolǵan qart júrgizýshi sottalǵanyn habarlaǵan bolatynbyz.
Jylyoı aýdandyq sotynda jasóspirimdi qaǵyp, mert qylǵan 73 jastaǵy júrgizýshige qatysty qylmystyq is qaraldy. Júrgizýshi QR Qylmystyq kodeksiniń 345-babynyń 3-bóligimen aıyptalǵan.
Sot úkimimen qart júrgizýshi QR Qylmystyq kodeksiniń 63-babymen 2 jyl 6 aı merzimge shartty jazaǵa sottaldy. Sottalýshydan jábirlenýshi taraptyń paıdasyna 5 mln teńge moraldyq zııan ótemaqysy óndirilgen.