Atyraýda anasy men balasynyń baspana daýy medıatsııa arqyly sheshildi
ASTANA. QazAqparat - Atyraý oblysynyń Inder aýdandyq sotynda anasy men ulynyń baspanaǵa qatysty shaǵymy boıynsha azamattyq is qaraldy, dep habarlaıdy QazAqparat oblystyq sottyń baspasóz qyzmetine silteme jasap.
Sot materıalynda áıeldiń ulyn baspanamen qamtamasyz etpesten, páterden otbasymen birge shyǵarmaq bolǵan.
Shaǵymdanýshy aryzynda jaýapkerdiń óziniń uly ekenin, 2017 jyly bos turǵan páterin ulyna otbasymen birge ýaqytsha turý úshin bergenin kórsetken. Ulynyń otbasy úıdi bosatý týraly ótinishine qulaq aspaı otyrǵanyn aıtyp, sottan jaýapkerdi otbasymen birge úıden shyǵarýdy surady.
«Tatýlasý: sotqa deıin, sotta» pılottyq jobasynyń aıasynda taraptarǵa daýdy beıbit jolmen sheshý ádisteri túsinidirildi. Nátıjesinde, taraptar medıatsııalyq kelisimge kelip, onyń sharttary boıynsha jaýapker 2019 jylǵy 15 sáýirge deıin úıdi óz erkimen bosatýǵa mindettenip, talap qoıýshy kelisimsharttyń talaptaryn qabyldap, barlyq talabynan bas tartty.
