Atyraýda anasy men 5 bala ystan ýlanyp qaldy
ATYRAÝ. QazAqparat - Atyraýda áıel bes balasymen ys tıip qaldy, dep habarlaıdy QazAqparat tilshisi.
«Búgin tańerteń oblystyq balalar aýrýhanasyna 32 jastaǵy ana men onyń ekiden 13 jasqa deıingi bes balasy jetkizildi. Olardyń barlyǵy kómirqyshqyl gazynan ýlanǵan. Ýlaný sebebi úıdegi peshtiń aqaýlyǵynan bolǵan», - dedi oblystyq TJ departamenti.
Aımaqtyń densaýlyq saqtaý basqarmasynyń habarlaýynsha, zardap shekken áıel men bes balaǵa medıtsınalyq kómek kórsetildi, em qabyldap jatyr. Olardyń ómirine qaýip tónip turǵan joq.
