Atyraýda «Altyn tulpar» alaman báıgesine 42 mln teńge tigildi
ATYRAÝ. QazAqparat – Atyraýda ótken «Altyn tulpar – Jaıyq jaǵasynda» respýblıkalyq jarysyna 42 mln teńge tigildi, dep habarlaıdy QazAqparat tilshisi.
Jarysqa Qazaqstannyń 12 óńirinen kelgen 40 sáıgúlik qatysty. Báıgede 7, 12, 25 jáne 51 shaqyrymǵa jarys boldy.
Báıgede top jarǵan Qyzylordanyń aǵylshyn-arab tuqymdy tulpary Qoıanqasqa boldy. Bas júldege tigilgen 10 mıllıon teńgeni shabandoz Ǵalymnur Noǵaıbek, baptaýshysy Qýat Ábsalamov jáne tulpardyń ıesi Berdibek Myhanov bólisip aldy.
«Buǵan deıin tórt márte «Altyn tulpar» báıgesinde qazaqstandyq tuqymnyń sáıgúlikteri júldeni eshkimge bermep edi. Bul joly «sheteldik» sáıgúlik top jardy. Sportshylardy jeńispen quttyqtaımyz!», - deıdi QR Ulttyq sport túrleri qaýymdastyǵynyń hatshysy Nursultan Ibragımov.
Jalpy, báıgege 42 mıllıon teńge júlde tigildi.
Avtory: A. Sokolov
