Atyraýda altyn toı ıelerine qurmet kórsetildi
ATYRAÝ. QazAqparat - Atyraýda birge 50 jyl ómir súrgen erli-zaıypty Márzııa Kenjegereeva men Qabdyjan Dáýletovti saltanatty jaǵdaıda quttyqtady.
Altyn mereıtoı Neke saraıynda atalyp ótti, oǵan ómirlik joldaryn endi ǵana bastaǵan jas jubaılar da shaqyryldy.
«Biz baqytty adamdarmyz. Bizdiń eki qyzymyz ben ulymyz, nemerelerimiz bar. Biz úı turǵyzdyq, kóptegen aǵash ektik. Úıdiń shattyǵyn kózdiń qarashyǵyndaı saqtaý kerek, otbasy - adam ómirindegi eń qymbat nárselerdiń biri», - dep jastarmen syr bólisti Márzııa Kenjegereeva.
«Altyn toı» ıelerine neke týraly jańa kýálik jáne Atyraý qalasynyń ákimi Nurlybek Ojaevtyń atynan quttyqtaý hat tapsyryldy. Sosyn árıne, mereıtoı ıelerine alqyzyl gúlder men syılyqtar tartý etildi.
