Atyraýda «Altyn dombyra» halyqaralyq kúıshiler baıqaýy ótti
ATYRAÝ.QazAqparat- Atyraýda kompozıtor, QR halyq ártisi Ázıdolla Esqalıev atyndaǵy baıqaýǵa Qazaqstan, Reseı, Tájikstan jáne Qaraqalpaqstan elderinen 19 kúıshi qatysty, dep habarlaıdy QazAqparat tilshisi.
Baıqaýdyń maqsaty – dombyra aspabyn keńinen nasıhattap, qazaqtyń ulttyq ónerin damytý jáne jańadan shyǵyp kele jatqan talantty oryndaýshylardy anyqtaý.
Sharaǵa Atyraý oblysy ákiminiń orynbasary Jumabaı Qaraǵaev qatysyp, aımaq basshysy Nurlan Noǵaevtyń atynan quttyqtaý hatyn oqydy. Sondaı-aq, BQO-dan kelgen Ǵ.Qurmanǵalıev atyndaǵy fılarmonııanyń ártisi Jaras Satybaldıevke baıqaýdyń bas júldesin tabystady.
Baıqaý 2 kezeń boıynsha ótip, birinshi kezeńde 11 úmitker iriktelip alyndy.
Birinshi oryndy Inder aýdandyq mádenıet úıiniń dırektory ıelense, ekinshi oryndy Qurmanǵazy atyndaǵy Qazaq ulttyq konservatorııasynyń oqytýshysy Dınara Nurbaeva men RF Astrahan oblysy memlekettik avtonomııalyq mádenı mekemesiniń Qurmanǵazy atyndaǵy óńirlik mádenı ortalyǵynyń ártisi Ilnýr Ýtepkalıev bólisti.
Úshinshi oryndy Almaty qalasy Qurmanǵazy atyndaǵy Qazaq ulttyq konservatorııasynyń stýdentteri Nazerke Baltabaeva men Toǵjan Kydyrsıhova jáne Taldyqorǵan qalasy «Sazgen» folklorly-etnografııalyq ansambliniń dombyrashysy Botagóz Dúngenbaeva qanjyǵasyna baılady.
Sonymen qatar, baıqaýdyń arnaıy júldesine «D.Nurpeıisova atyndaǵy halyqtyq mýzyka akademııasy» Atyraý mýzyka kolledjiniń stýdenti Erqanat Qadyr laıyq dep tanyldy.
