Atyraýda alımentin tólemegen boryshkerdi tutqynǵa aldy
ATYRAÝ. QazAqparat - Atyraý oblysynda Qurmanǵazy aýdandyq soty uzaq ýaqyt boıy alımentin tólemegen er adamdy tutqyndady.
«Tórt balanyń ákesiniń alıment boıynsha qaryzy 650 myń teńgeden asyp ketken. Qurmanǵazy aýdandyq sotynyń sheshimimen ol aıyna eńbekaqysynyń jartysyn jáne basqa da kiristerin tóleı otyryp, qaryzyn óteýi tıis bolǵan. Alaıda boryshker sot sheshiminen keıin de alıment tóleýden jaltaryp kelgen. QR ÁQtK-niń 669-baby boıynsha boryshker 3 táýlik merzimge ákimshilik qamaýǵa alyndy», - dep habarlady oblystyq prokýratýranyń baspasóz qyzmeti.
