Atyraýda Alǵys aıtý kúni qarsańynda 33 medıtsına qyzmetkeri marapattaldy
ATYRAÝ. QazAqparat – Atyraýda Alǵys aıtý kúni qarsańynda medıtsına salasynyń 33 qyzmetkeri marapattaldy, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetine qaraǵanda, qańtarda ótken saılaý kezinde PTR-test alýǵa qatysqan 33 medıtsına qyzmetkeri oblys ákiminiń Alǵys hatyna ıe boldy.
«Saılaý óterden birneshe kún buryn 42 analız taldaý pýnkti ashyldy. Úsh zerthanada 5 myńnan astam PTR-test ótkizildi. Bul jumysty medıtsına qyzmetkerleri úlken jaýapkershilikpen atqardy. Alǵys aıtý kúni qarsańynda saılaý kezinde saqtyq sharalaryn uıymdastyrýǵa atsalysqan medıtsına qyzmetkerlerine zor alǵysymdy bildiremin», - dedi oblystyq densaýlyq saqtaý basqarmasynyń basshysy Ashan Baıdýálıev.
Eske sala ketelik, budan buryn Atyraýda 70 medıtsına qyzmetkerine «Halyq alǵysy» medali tapsyrylǵan bolatyn.
