Atyraýda alǵashqy jyly aıaldamalar paıdalanýǵa berildi

Atyraý qalasy ákimdiginiń baspasóz qyzmeti habarlaǵandaı, qala kóshelerin keńeıtý jáne qaıta qurý jónindegi jobanyń aıasynda aıaldama keshenderin jańartý boıynsha úlken jumystar atqaryldy. Búgingi kúnge deıin 23 jańa aıaldama pavılony satyp alynyp, olardyń 7-i jabyq jáne kommertsııalyq jyljymaıtyn múlikke arnalǵan.

4 jabyq aıaldama pavılondary kelesi aıaldamalarda ornatyldy - «Dına», «Temirjol vokzaly», sonymen qatar Vokzal mańy yqsham aýdanyndaǵy eki aıaldama.

Bastapqyda úsh qala kóshesin - Vladımırskıı, Baımuhanov jáne Taımanovty jańartý jáne keńeıtý jobasy aıasynda qalalyq ákimdik jeti jabyq pavılon satyp aldy. Olardyń barlyǵy kommertsııalyq maqsattarda paıdalanylatyn bolady degen boljam jasaldy. Degenmen, tek úsh kásipker ózderiniń bıznes nysandaryn aıaldamalarda ashty.

Aıta keteıik, turǵyndar tarapynan aıaldamalar týraly shaǵymdar men aryzdar birneshe ret túsken bolatyn. Sondaı-aq, kóptegen turǵyndar birneshe ret avtobýs aıaldamalarynda saýda jasaý úshin jaǵdaı jasaý máselesin kótergen. Bul yńǵaıly jáne tıimdi. Qazir halyq úshin qajetti jaǵdaılar jasalǵan.

Jabyq aıaldama pavılondaryn «Arnaýlyavtobaza» JShS baqylaıdy, qala turǵyndary 7.00-den 21.00-ge deıin qoǵamdyq kólik júretin ýaqyttarda osy aıaldamalarda jylyna alady.

Esterińizge sala keteıik, buryn qala ákimi Álımuhammed Quttumuratuly aýyldyq okrýg ákimderiniń esepteriniń birinde «2019 jyly Atyraýda 60 jańa aıaldama satyp alynady» dep aıtqan bolatyn. Sonymen qatar, olardyń 30-y oblys ortalyǵynda ornatylady, qalǵan 30-y aýyldyq okrýgterde shoǵyrlanady.