Atyraýda alǵashqy elektrobýs qatynaı bastady
ATYRAÝ. QazAqparat - Atyraýda №14 marshrýt baǵytynda jańa elektrli avtobýs jolǵa shyqty, dep habarlaıdy QazAqparat tilshisi. 14 naýryzda «Yutong» markasynyń jańa elektrli avtobýsy synaq rejiminde jumysqa kiristi. Jobany «Atyraý» ÁKK» AQ jańadan qurylǵan «Aqjaıyq Avtopark» JShS-men birlesip júzege asyrýda.
«Belgili bolǵandaı, elektroavtobýstar birqatar artyqshylyqtarǵa ıe. Olardyń bastysy - dızeldi otyndy tutynbaıdy. Sáıkesinshe, qorshaǵan ortaǵa zııany joq», - dep habarlady «Atyraý» ÁKK» AQ ókili Salamat Omarov.
Aıta ketý kerek, uzyndyǵy 12 metr avtobýsta otyrý úshin - 34 jáne túregelip turýǵa arnalǵan 80 oryn bar. Avtokóliktiń birrettik qýaty 250 km/saǵ eseptelgen. Elektrli kólik vıdelkameralarmen, kórneki aqparat úshin monıtorlarmen, dabyl túımelerimen, sondaı-aq elektrondy jol aqysy úshin mobıldi qurylǵymen jabdyqtalǵan.
Óndirýshi kompanııa ókilderiniń pikirinshe, elektrlik avtobýstyń ortasha tutynýy dızeldi otynǵa arnalǵan otyn únemdeýi shamamen 6,5 ga quraıdy.
«Eger 1 shaqyrymǵa tutynylatyn 1 kVt/saǵatynyń quny 15 tg bolsa, 1 shaqyrymǵa jumsalǵan 400 gramm dızel otyny 100 tg quraıdy. Osyndaı elektrli avtobýstar Aqtaý qalasynda qazirgi tańda «qala - áýejaı - qala» baǵytynda qatynaıdy», - dep habarlady «Saryarqa Avtoprom» JShS jobasynyń úılestirýshisi Roman Krıvopalenko.
Aıta keteıik, jańa elektrli avtobýstar Atyraýdaǵy jolaýshylar tasymalynyń sapasyn jaqsartý úshin qurylǵan «Aqjaıyq Avtopark» JShS-ǵa tıesili. Qazirgi kezde kompanııa «Teńizshevroıl» JShS qoldaýymen 30 jańa avtobýs satyp aldy. Aǵymdaǵy jyldyń aıaǵyna deıin taǵy 100 osyndaı avtobýs satyp alý josparlanyp otyr.
