Atyraýda alǵash ret túngi marafon ótedi
ATYRAÝ. QazAqparat - Atyraýda alǵash ret túngi marafon ótedi, dep xabarlaıdy QazAqparat tilshisi.
Túngi marafon 7 shildede Atyraýda Astananyń 20 jyldyǵyna oraı uıymdastyrylady. Jarystyń uıymdastyrýshylary aıtqandaı, is-shara 13 mamyrda ótken "Atyrau Marathone- 2018" jalǵasy bolady.
«Atyraý qalasyndaǵy qalalyq marafon jylyna bir ret ótkizilip kele jatqandyqtan, túngi marafondy qalanyń turǵyndary men qonaqtarynyń qyzyǵýshylyǵyn arttyrý úshin ótkizemiz. Jyl boıy bizder bul sport túrlerin umytpaý úshin osyndaı sharalardy ótkizýdi josparlap otyrmyz. Birqatar qalalarda, elderde osyǵan uqsas jarystar ótýde, Atyraý da qalys qalmaıdy», - deıdi "AtyrauMarathone- 2018" uıymdastyrý komıtetiniń vıtse-prezıdenti ıÝrıı Ponomarev.
Túngi marafonǵa qatysýdyń negizgi sharttary sporttyq kostıýmde jarqyraǵan elementterdiń bolýy - shyraqtar men neondar bolady. Júgirýshiler úshin qashyqtyq 5 km bolady. Startta qatysýshylarǵa neon bilezikter beriledi, márede medaldar, merekelik otshashýlar men dıskotekalar kútedi.
«Atyraý qalasynyń turǵyndary men qonaqtary úshin bul tek sporttyq is-shara ǵana emes, mereke bolady. Osy kúnderi búkil Qazaqstan elorda kúnin atap ótedi, túngi marafon bizdiń óńirdegi merekelik is-sharalar serııasynyń jalǵasy bolady jáne dástúrli bolady», - deıdi Atyraý oblystyq dene shynyqtyrý jáne sport basqarmasynyń basshysy Azamat Beket.
Іs-sharanyń sońynda túngi marafon uıymdastyrýshylary eń kreatıvti jáne «Eń jarqyraǵan kıimdi» tańdaıdy.Túngi marafonnyń ótý ýaqyty: 7 shilde. Jınalý orny: Muz saraıy. Máre orny: Atyraý oblystyq ákimdigi.
Abaı Abylaıuly
