Atyraýda alǵash ret paradzıýdodan Álem kýbogy ótýde
ATYRAÝ. QazAqparat - Atyraýda alǵash ret paradzıýdodan Álem kýbogy ótýde. Qazaqstandaǵy alǵashqy Álem kýbogynda 200-ge jýyq balýan beldesýde, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Keshe Atyraý qalasynda paradzıýdodan álem kýbogynyń ashylý saltanaty ótti. Saltanatty sharaǵa Atyraý oblysynyń ákimi Nurlan Noǵaev jáne bir top shet elden kelgen meımandar qatysty. Aımaq basshysy barsha qatysýshylarǵa sáttilik tilep, tartysty da ádil jarys kórgisi keletinin jasyrmady.
Álem kýbogynyń nátıjesi boıynsha Tokıo 2020 Paralımpıadasyna lıtsenzııalyq upaılar taratylatynyń eskersek, bul dodanyń mańyzdylyǵy erekshe. Munaıly ólkedegi tartysqa álemniń 20 elinen 200-ge jýyq balýan jınalǵan. Olardyń ishinde Paralımpıada oıyndary men álem chempıonattarynyń jeńimpazdary bar.
Jarystyń alǵashqy kúni Ońtústik Koreıa eliniń sportshylary úshin tabysty ótti. Olar 3 altyn jáne 2 qola medalmen kósh basynda keledi. Ýkraına, Brazılııa, Frantsııa jáne Grýzııa elderinde bir-bir altyn júldeden bar.
Aıta ketelik, Qazaqstan quramasy ázirge 2 qola júlde enshiledi. 60 keli salmaqta Oljas Orazalyuly men 66 kelide Azamat Nokýshev úzdik úshtikten kórindi. Al, atyraýlyq 3 balýan búgin baqtaryn synaıtyn bolady. Aqtyq kezeń búgin 14:00-de «Atyraý» dene shynyqtyrý-saýyqtyrý kesheninde ótedi.
