Atyraýda alǵash ret múmkindigi shekteýli jandar arasynda týrnır ótti
Shahmat, toǵyzqumalaq, doıby, paýerlıftıng, armreslıng, ústel tennısi, oq atý, sýda júzý, jeńil atletıka sekildi túrlerinen ótken týrnırge 260-tan astam sportshy qatysty.
Týrnırdiń ótýine «Teńizshevroıl» JShS qoldaý kórsetken.
«Sport – densaýlyqtyń ǵana kepili emes, myqty rýh pen qajyrly qaırattyń kórinisi. Sońǵy jyldary salaýatty ómir saltyn ustanyp, sportty janyna serik etkender kóbeıdi. Otyz jylda ulttyq sportshylarǵa kórsetilgen naqty qoldaýlardyń arqasynda kók Týymyz álemdik alamandarda turaqty jelbirep keledi. Oblysta buqaralyq sport pen dene shynyqtyrý salasy ınfraqurylymyn damytý úshin júıeli jumystar júrgizilip otyr. Bıyl Atyraý sportynyń abyroıy asqaqtaǵan erekshe jyl boldy. Tokıoda ótken Paralımpıadaǵa 7 atyraýlyq sportshy qatysty. Paradzıýdoshylar Ánýar Sarıev, Zarına Baıbatına men Temirjan Dáýlet el tarıhynda alǵash ret kúmis júldeni ıelendi» -dedi oblys ákimi Mahambet Dosmuhambetov.
Týrnırge qatysýshynyń biri Meıirlan Zeınollaev armrestlıngpen 5 jyldan beri aınalysyp keledi.
«Buǵan deıin oblystyq, respýblıkalyq saıystarda júldeli oryndarǵa ıe bolyp júrmin. Búgingi týrnırde ІІІ orynǵa ıe boldym. Jarysty uıymdastyrýshalarǵa, demeýshilerge alǵysymyz sheksiz. Osyndaı týrnırler kóbirek ótse, sporttyq sheberligimizdi shyńdaýǵa septigi tıer edi», -deıdi Meıirlan Zeınollaev.
Jarys qorytyndysymen júldeli oryn alǵan sportshylarǵa tońazytqysh, noýtbýk, teledıdar sekildi baǵaly syılyqtar tabys etildi.
Eske sala ketelik, budan buryn Atyraý oblysynyń Janbaı aýylynda sport kesheni ashylǵan bolatyn.
