Atyraýda alǵash ret «ınfo-donor» baǵdarlamasy iske qosyldy
Óńirlik kommýnıkatsııalar qyzmetiniń habarlaýynsha, «Tsıfrlyq Qazaqstan» baǵdarlamasy aıasynda júzege asqan joba Atyraý oblystyq densaýlyq saqtaý basqarmasynyń qoldaýymen Atyraý qan ortalyǵyna engizildi. «Info-donor» iske qosylǵan 1 aı kóleminde 656 adam elektrondy tirkeýden ótip, donor bolýǵa nıet bildirgen. Onyń 473-i qan tapsyrýǵa jaramdy bolyp shyqty.
«Info-donor» bir ǵana jeke kýálik arqyly donordyń ortalyqtaǵy marshrýttaryn avtomatty túrde anyqtap, rettep otyrady. ıAǵnı, marshrýt mynadaı: tirkeý bólimi - aldyn-ala tekserý zerthanasy - terapevt qabyldaý - qan tapsyratyn zal. Donor osy baǵyt boıynsha júrip, barlyq bólimderde tirkeýden ótkennen keıin ol týraly aqparat jedel elektrondy túrde jetedi.
«Atalǵan baǵdarlama iske qosylǵaly jumysymyz jeńildedi. Mamandar jedel túrde kezektegi donordy qabyldap, taldaýlaryn anyqtap, qan tapsyrýǵa jiberedi. Donordyń saraptama nátıjeleri, jumystyń oryndalý barysy júıede baqylaýda bolady. Turǵyndardyń da ýaqyt únemdeýine qolaıly»,-deıdi qan ortalyǵynyń dırektory Jáńgirhan Bahonov.
Aıta ketelik, baǵdarlama arqyly Atyraý oblysynda tirkeýde turǵan donor jeke kýáligi arqyly júıe iske qosylǵan Qazaqstannyń basqa qalalarynda da tekserilip, donor bola alady.
