Atyraýda áleýmettik jeli arqyly ákki urydan japa shekken jandar izdestirilip jatyr
ATYRAÝ. QazAqparat - Atyraýlyq polıtseıler urlyqpen aınalysqan 35 jastaǵy qala turǵynyn ustady. Odan 30-dan astam altyn buıymdar men ózge de múlikter tárkilendi, dep habarlaıdy QazAqparat tilshisi.
«Tártip saqshylary tárkilengen buıymdardyń ıelerin izdestirý úshin áleýmettik jelilerdiń múmkindigin paıdalanýda. Jarııalanǵan fotosýrettiń ishinen óz múlikterińizdi tanyǵan jaǵdaıda «102» operatoryna jáne 98-33-02, 98-33-99 telefondaryna habrlasýlaryńyzdar«, - dep habarlandy oblystyq Polıtsııa departamentinen.
Tárkilengen zattardyń ishinde ártúrli nomınalda jasalǵan arnaıy monetalar, oıyn prıstavkalary, tipti qurylys qural-saımandary da bar.
Polıtsııa departamentiniń baspasóz qyzmeti habarlaǵanyndaı, jyl basynan beri №2 qalalyq polıtsııa bóliminiń aýmaǵynda 123 urlyq faktisi ashylǵan. Barlyq tirkelgen faktilerdiń ishinde qaıtalanyp jasalǵan nemese asa iri kólemdegi shyǵyn keltirilgeni úshin 31 fakti urlyq qylmysynyń aýyr túrine jatady.
Bótenniń múlkin urlaýdyń eń kóp taraǵan ádisi plastıkalyq terezelerli buzý arqyly jasalǵan.
