Atyraýda áleýmettik mańyzy bar azyq-túlik satatyn alań kóbeıedi

ATYRAÝ. QazAqparat - Atyraý oblysynda áleýmettik mańyzy bar azyq-túlik ónimderin satatyn alań kóbeıedi. Oblys ákimi Mahambet Dosmuhambetov halyqqa esep berý kezdesinde tıisti basshylarǵa osyndaı tapsyrma berdi, dep habarlaıdy QazAqparat tilshisi.

«Bul shara áleýmettik mańyzdy taýarlar baǵasyn retteýge kómektesýi kerek. Turǵyndardy et ónimderimen qamtamasyz etý úshin mal basyn kóbeıtý, ınfraqurylymy damyǵan bordaqylaý alańdaryn qurý jumystaryn júrgizý kerek. Egistik jerler men kókónis saqtaıtyn oryndar qurylysyn kóbeıtý – keıinge qaldyrýǵa bolmaıtyn másele», - dedi Mahambet Dosmuhambetov.

Sondaı-aq, oblystyq aýyl sharýashylyǵy basqarmasynyń basshysy men aýdan ákimderine osy tapsyrmany baqylaýǵa alýdy tapsyrdy. Óńirde jergilikti aýyl sharýashylyǵy ónimderin óndirýshilerdi qoldaý maqsatynda 370 sharýa qojalyǵyna sýbsıdııa berilgen.

«Baǵany turaqtandyrý –turǵyndar úshin mańyzdy jáne paıdaly. Men osy máseleni óńir kásipkerlerimen kezdesýde de kóterdim. Biz óz tarapymyzdan shaǵyn jáne orta bıznestiń damýyna jan-jaqty qoldaý kórsetýge daıynbyz», - dedi oblys ákimi.

Avtory Joldasbek Kósherbaıuly