Atyraýda aldaǵy jyldary 11 mektep pen 56 balabaqsha salynady
ATYRAÝ. QazAqparat – Atyraý oblysynda aldaǵy jyldary 11 mektep pen 56 balabaqsha salynady, dep habarlaıdy QazAqparat.
Óńir basshysy Mahambet Dosmuhambetovtiń tóraǵalyǵymen ótken oblystyq máslıhattaǵy «Nur Otan» partııasy depýtattyq fraktsııasynyń otyrysta osy másele talqylandy.
«Nur Otan» partııasy depýtattyq fraktsııasynyń basshysy Nurlybek Ojaevtyń málimetinshe, aldaǵy bes jylda óńirde 6 480 oryndyq 11 mekteptiń, 12 850 orynǵa eseptelgen 56 balabaqsha men 610 orny bar 6 jataqhananyń qurylysy júrgiziledi.
Sondaı-aq, 22 sport kesheniniń qurylysyn salynady. Bul turǵyndardy buqaralyq sporttyq ınfraqurylymmen qamtamasyz etý deńgeıin 38 paıyzǵa jetkizbek. Buǵan qosa 10 medıtsınalyq nysannyń qurylysyn josparlanyp otyr.
Eske sala ketelik, budan buryn Atyraý oblysynda 10 medıtsınalyq nysan paıdalanýǵa berilip, 8 mektep pen 11 balabaqsha salynyp jatqanyn jazǵan bolatynbyz.
