Atyraýda alaıaqtyq jasaǵan kólik ınspektory sottaldy
ATYRAÝ. QazAqparat - Atyraýda sot jol-patrýldik polıtsııa serjantyn alaıaqtyq jasaǵany úshin 3,5 jylǵa sottady, dep habarlaıdy «QazAqparat» HAA tilshisi.
«Sottyń isti qaraýy barysynda jol oqıǵasy bolǵan jerge kelgen jol-kólik qyzmeti ókili «Mersedes» avtomobılin mingen jeńil jol apaty qatysýshysynyń izin sýytqanyn anyqtaǵan. Ol qymbat mashınanyń ıesi qaıda turyp jatqanyn anyqtap, úıine baryp, avtomobılden memlekettik nómirdi sheship alǵan. Inspektor júrgizýshige qozǵalmaǵan ákimshilik materıaldy toqtatý týraly máseleni sheshýge ýáde etken. Ol óziniń «qyzmetin» 30 myń teńgege baǵalaǵan», - dep habarlady Atyraý oblystyq sotynyń baspasóz qyzmeti.
Ol júrgizýshiden aqsha alǵannan keıin ustaldy. Aıyptalýshy men onyń advokaty kinásin moıyndaý týraly protsessýaldyq kelisim jasaýǵa kelisken. Sot kólik ınspektoryn QR QK «Alaıaqtyq jasaý» baby boıynsha aıypty dep tanyp, oǵan 3,5 jyl bas bostandyǵynan aıyrý jazasyn taǵaıyndady. Sondaı-aq, ol ómir boıyna memlekettik qyzmette jumys isteý quqyǵynan aıyryldy».
