Atyraýda alaıaqtyq jasady degen kúdikpen prokýror ustaldy

NUR-SULTAN. QazAqparat - Atyraý qalasy prokýratýrasynyń bólim prokýrory ustaldy, dep habarlaıdy QazAqparat Bas prokýratýranyń baspasóz qyzmetine silteme jasap.

«Qatardaǵy jemqorlyqty boldyrmaý boıynsha júrgizilgen jumys aıasynda Bas prokýratýranyń Іshki tergep-tekserý departamentiniń qyzmetkerleri Mańǵystaý oblysy boıynsha Sybaılas jemqorlyqqa qarsy is-qımyl qyzmetimen birlese otyryp, 11 maýsymda Atyraý qalasy prokýratýrasynyń bólim prokýrory Jasulan Qarataýdy ustady. Ol qyzmet babyn paıdalaný jolymen iri mólsherde alaıaqtyq jasady dep kúdikke ilindi» delingen habarlamada.

Sot sanktsııasymen Jasulan Qarataýǵa qatysty kúzetpen ustaý túrindegi bultartpaý sharasy qoldanyldy.

Іs boıynsha qajetti tergeý júrgizilýde.