Atyraýda alaıaq ınspektor ustaldy
ATYRAÝ. QazAqparat - Atyraý memlekettik kirister departamentiniń ishki qaýipsizdik basqarmasynyń qyzmetkerleri ózin salyq organynyń qyzmetkeri dep tanystyryp, alaıaqtyq áreketterge barǵan er adamdy quryqtady, dep habarlaıdy QazAqparat tilshisi.
«Kúdikti jedel-izdestirý operatsııasy barysynda atyraýlyq kásipkerlerden birneshe márte aqsha bopsalaý faktileri boıynsha ustaldy. Kúdikti buryn sottalǵan Atyraý oblysynyń týmasy. Ol kásipkerlerdiń senimine kirip alyp, «qyzmet kórsetkeni» úshin aqsha alyp kelgen», - dedi Atyraý oblystyq MKD baspasóz qyzmeti.
Atalǵan is boıynsha tergeý amaldary júrgizilýde.
