Atyraýda alaıaq azamattardyń 20 mln teńgesin ıemdenip ketken

ATYRAÝ. QazAqparat – Atyraýda alaıaq azamattarǵa jumys taýyp berýge ýáde berip, 20 mln teńgesin ıemdengen, dep habarlaıdy QazAqparat tilshisi.

«Sotta anyqtalǵandaı, aıyptalýshy A.M. adamdardy jumysqa ornalastyrýǵa, páter jáne jerdi tez alyp berýdi ýáde etip, alaıaqtyq jolmen 7 jábirlenýshiniń aqshasyn ıemdengen. Jalpy shyǵyn somasy 19 600 000 teńgeni qurady. Nátıjesinde jábirlenýshiler quqyq qorǵaý organyna aryzben júgingen. Sot otyrysynda sottalýshy A.M. kinásin tolyq moıyndap, protsestik kelisim jasaýǵa nıet bildirgen», - dep habarlady Atyraý qalalyq №2 sotynyń baspasóz qyzmetinen.

Sot úkimimen aıyptalýshy kináli dep tanylyp, oǵan 3 jyl 6 aı merzimge bas bostandyǵynan aıyrý jazasy taǵaıyndaldy. Jábirlenýshilerdiń azamattyq talaptary qanaǵattandyryldy. Úkim zańdy kúshine endi.

Avtor:

A. Sokolov