Atyraýda alabaı ıt er adamdy talap tastady

ATYRAÝ. QazAqparat – Atyraý qalasynda qabaǵan ıt 43 jastaǵy er adamdy talap tastady. Qazir ol aýrýhanada jatyr, dep habarlaıdy QazAqparat.

Bul týraly WhatsApp messendjerinde vıdeo tarady. Vıdeo avtorynyń aıtýynsha, oqıǵa Atyraý qalasyndaǵy Balaýsa shaǵyn aýdanynda bolǵan. 14-kóshedegi jol boıynda beıqam turǵan er adamdy alabaı tuuqymdas ıt talaǵan.

Oblystyq densaýlyq saqtaý basqarmasynyń baspasóz qyzmetiniń málimetinshe, ıt talaǵan er adam oblystyq aýrýhana jatyr.

«Búgin, 19 qyrkúıekte túngi saǵat 01:41-de jedel járdem brıgasynyń kóligimen er adam oblystyq aýrýhananyń travmatologııa bólimine jetkizildi. Zardap shegýshiniń jasy – 43-te. Oǵan ıt talaǵany jóninde dıagnoz qoıyldy. Aıaǵy men qolynda kóptegen jaraqaty bar. Qazir jaǵdaıy qalypty», -dep habarlady basqarmanyń baspasóz qyzmeti.

Atyraýda buǵan deıin de qabaǵan ıtter adamdardy birneshe ret talaǵan deregi tirkelgen. Máselen, bıylǵy 7 mamyrda 5 jasar qyzdy ıt talap tastaǵan.

«Kezekshi dáriger-travmatologtyń aıtýynsha, buralqy ıt balanyń sol jaq betin, joǵary jáne tómengi ernin birneshe ret tistegen. Aýrýhanada balanyń betindegi jaraqaty tigildi. Qutyrýǵa qarsy vaktsına salyndy», -dep málim etken edi oblystyq balalar aýrýhanasynyń baspasóz qyzmetinen.

Al, Atyraý qalasynyń turǵyny Ásem Baıjannyń aıtýynsha, qańǵybas ıt onyń balalaryna da, ózine de birneshe ret shabýyl jasaǵan.

Eske sala ketelik, buǵan deıin Atyraýda qańǵybas ıt talaǵan 5 jasar qyz aýrýhanaǵa jetkizilgenin jazǵan bolatynbyz.

Vıdeodan alynǵan kadr