Atyraýda «Alfa RVR» sıntetıkalyq esirtki zatyn daıyndap, satqan kúdikti ustaldy
Atyraý oblystyq polıtsııa departamentiniń bastyǵy, polıtsııa polkovnıgi Qamza Úmbetqalıevtyń málimetinshe, jyl basynan beri saraptama qorytyndysymen zańsyz aınalymnan 1 keli 700 gramm esirtki alynǵan. Osyǵan baılanysty BQO, Qostanaı, Aqtóbe qalalarynan kelgen 13 kepilger, Ózbekstan Respýblıkasynyń 1 azamaty ustalǵan.
«Máselen, 5 qarashada esirtki qylmysyna qarsy is-qımyl basqarmasy qyzmetkerleri UQK Atyraý oblysy boıynsha departamentiniń qyzmetkerlerimen birlesip tıym salynǵan sıntetıkalyq esirtkini satýmen aınalysyp júrgen kúdiktini ustady. Tekserý kezinde 27 jastaǵy er adamnyń jaldamaly páterde esirtki dozalaryn daıyndap kelgeni anyqtaldy. Jaldamaly páterden esirtkini satýǵa arnalǵan quraldar men qurylǵylary tabyldy. Kúdiktiden saraptama qorytyndysyna sáıkes, jalpy salmaǵy 300 gramdy quraıtyn «Alfa RVR» sıntetıkalyq esirtki zaty tabylyp, tárkilendi» -deıdi Qamza Úmbetqalıev.
Qazir quramynda esirtkisi bar ósimdikterdi saqtaǵan kúdiktige qatysty QR Qylmystyq kodeksiniń 296-babynyń 4-bóligimen sotqa deıingi tergeý júrip jatyr.
Eske sala ketelik, buǵan deıin Atyraý oblysynda qarasora ósiretin plantatsııanyń kózi joıylǵanyn habarlaǵan bolatynbyz.
