Atyraýda «Aqyldy shamdar» ornatylýda
ATYRAÝ. QazAqparat - Atyraýda jańa ornatylǵan kóshe shamdaryn arnaıy dıspetcherlik pýnkt qadaǵalaıtyn bolady, dep habarlaıdy QazAqparat tilshisi.
Óńirlik kommýnıkatsııalar qyzmetiniń habarlaýynsha, osy kezde Atyraý qalasy men onyń mańyndaǵy eldi mekenderge jaryq shamdaryn júrgizý jumystary júrip jatyr. Jyl basynan bastap LED-shamdary iske qosylýda.
«LED-shamdarynyń ereksheligi, ony qýat kóziniń túsetin aýmaǵyna qaraı azaıtyp nemese kóbeıtýge bolady. Sondaı-aq, bul shamdardy arnaıy qadaǵalaıtyn dıspetcherlik pýnkt jumys isteıdi. Olar elektrondy júıede shamdardyń janyp nemese janbaı turǵanyn anyqtaı alady. Jańa jobanyń merzimi 10 jyl»,-deıdi oblystyq energetıka jáne turǵyn-úı kommýnaldyq sharýashylyǵy basqarmasy basshysynyń orynbasary Murat Iǵalıev.
2017 jyldan bastap «Atyraý qalasyndaǵy kóshe jaryǵy jelisiniń qurylysy jáne paıdalaný» jobasy iske asyrylyp kele jatyr. Atalǵan joba boıynsha Atyraý qalasynyń 39 kóshesin jaryqtandyrý josparlanǵan. Qurylys jumystary 2 kezeńge bólingen.
«2017 jyly LED-shamdary 19 kóshege júrgizilgen bolsa, bıylǵy jyly 20 kóshe jaryqtandyrylmaq. Taǵy da qalanyń syrtyndaǵy 7 kóshege jaryq shamdaryn ornatý josparda bar. Bul jobalar osy jyldyń sońynda aıaqtalyp, tapsyrylatyn bolady», - deıdi oblystyq energetıka jáne turǵyn-úı kommýnaldyq sharýashylyǵy basqarmasy basshysynyń orynbasary Murat Iǵalıev.
