Atyraýda ákim saılaýynyń ádil ótýin 150 baıqaýshy baqylaıdy

ATYRAÝ. QazAqparat - Atyraý oblysynda baıqaýshylardyń partııalyq emes birlestigi ashyldy, dep habarlaıdy QazAqparat óńirlik kommýnıkatsııalar qyzmetine silteme jasap.

25 shilde respýblıka boıynsha aýdan jáne aýyl ákimderiniń saılaýy ótedi.

Partııalyq emes baıqaý ortalyǵynyń basshysy Dáýren Seıtqalıevtiń aıtýynsha, qazir saılaý ýcheskelerine baqylaýshylardy bekitý jumysy júrgizilip jatyr.

- Bizdiń negizgi maqsatymyz – saılaýdyń ádil ótýi. Atyraý oblysy boıynsha 36 saılaý ýchaskesi, onyń ishinde qalada 7, aýdan boıynsha 29 saılaý ýchaskesi bar. Oblys boıynsha 150-ge jýyq baıqaýshy qatysady dep josparlap otyrmyz. Saılaý erejelerine saı baıqaýshylarǵa arnalǵan semınar-trenıng oqytý is-sharalary ótedi, – dedi Dáýren Seıtqalıev.

Saılaý kúni bizben birge ýcheskelerge baryp, baıqaýshy bolamyn degen kez kelgen erikti azamat aldyn ala tirkeýden ótýi qajet.

Baıqaýshylardy tirkeý «Stýdentter» dańǵyly, 211 «a» (Kaspıı óńiriniń qazirgi zamanǵy kolledji ǵımaraty) mekenjaıynda júrgiziledi.