Atyraýda ákeli-balaly ekeý Jaıyq ózenine batyp ketti
Bul týraly búgin, 25 tamyzda, saǵat 16:08-de oblystyq polıtsııa departamentiniń kezekshisine habar túsken.
Oblystyq tótenshe jaǵdaılar departamentiniń qutqarýshylary shaqyr t ý ornyna jetip, saǵat 16:16-da sýǵa batqandardy izdestire bastady.
Sýǵa batyp ketken er adam 27 jasta bolǵan. Onyń uly 2013 jylǵy.
«Ákesi men balasynyń Jaıyq ózeniniń sýǵa túsýge jabdyqtalmaǵan tusynda batyp ketkeni anyqtaldy. Tótenshe jaǵdaılar departamentiniń qutqarýshylary jergilikti ýaqytpen saǵat 16:35-te 35 jastaǵy er adamnyń denesin Jaıyq ózeninen taýyp, jaǵaǵa shyǵardy. Al, balanyń denesi saǵat 18:44-te tabyldy», -dep habarlady departamenttiń qoǵammen baılanys tobynan.
Jaıyq ózenine batyp ketken ákesi men balasyn izdestirý jumystaryna tótenshe jaǵdaılar departamentiniń 4 qyzmetkeri, 1 júzý quraly, oblystyq polıtsııa departamentiniń 10 qyzmetkeri, 2 tehnıkasy tartyldy.
Eske sala ketelik, budan buryn Atyraýda Jaıyqqa batqan 7 jasar balanyń máıiti tabylǵanyn jazǵan bolatynbyz.
Qyzylbalyq aýylynda turatyn 7 jasar bala Jaıyq ózenine jaqyn turǵan qaıyqtyń ústinde oınap júrip, ózenge qulaǵan. Qutqarýshylar 7 jasar balany bir kúnnen soń Jaıyq ózeninen tapty.