Atyraýda advokat úsh jylǵa kolonııaǵa jiberildi
ATYRAÝ. QazAqparat - Atyraýda sot advokattyń múlikterin tárkilep, jalpy rejimdegi túzeý mekemesine úsh jylǵa bas bostandyǵynan aıyrýǵa úkim shyǵardy.
Alaıaqtyǵyna baılanysty jazany qarastyratyn úkim zańdy kúshine endi.
Qalalyq prokýratýradan habarlaǵandaı, onyń alaıaqtyq faktisi týraly birneshe ótinishter kelip túsken. Alǵashqy oqıǵada qorǵaýshy ózine júgingen áıelge eski úıdi buzý úshin ákimdikten 36 mln. teńge ótemaqy alyp berýge ýáde bergen. Taǵy birinde 1200 dollar alyp, jol-kólik oqıǵasyn jasaǵan adamǵa júrgizýshilik kýáligin qaıtaryp alyp berýge ýáde bergen. Qylmys jasady degen kúdikpen ustalǵan eki adamǵa kómek kórsetemin dep, olardan qyzmetine 1 mln. 1000 myń teńge suraǵan. Oljasyn qaltasyna basqan qorǵaýshy taıyp turǵan.
Budan basqa, sottalǵan burynǵy advokat 1 jyl merzimge qorǵaýshylyq qyzmetpen aınalysý quqyǵynan aıyryldy.
