Atyraýda ádilet basqarmasy qyzmetkerleri para alǵany úshin sottaldy
«Sot isti qaraý kezinde Atyraý qalasy ádilet basqarmasy bastyǵynyń orynbasary Aıbolat Kenjebekov pen basqarma ınspektory Serik Kýbashevtyń 2017-2018 jyldary kásipkerlik sýbektilerinen birneshe ret para alǵany anyqtaldy. Olar kásipkerlik qyzmetke qatysty belgili bir máseleler oń sheshim tabý úshin aqsha talap etip otyrǵan. Tergeý barysynda aıyptalýshylarǵa QR Qylmystyq kodeksiniń 366-babynda qarastyrylǵan «Para alý» boıynsha aıyp taǵyldy. Sot A.Kenjebekovty kináli dep tanyp, 9,2 mln teńge aıyppul saldy. Al S.Kýbashev 1 mln teńge aıyppul tóleıdi», - dedi oblystyq sottyń baspasóz qyzmeti.
Sot úkimimen aıyptylar ómir boıy memlekettik qyzmettegi laýazymdarǵa ornalasý, memlekettik kásiporyndarda, uıymdarda jáne ulttyq kompanııalarda jumys isteý quqyǵynan aıyryldy.