Atyraýda Ábish Kekilbaevtyń 80 jyldyǵyna arnalǵan respýblıkalyq konferentsııa ótti

ATYRAÝ. QazAqparat - Atyraýda Qazaqstannyń halyq jazýshysy, kórnekti qoǵam jáne memleket qaıratkeri Ábish Kekilbaevtyń ómiri men shyǵarmashylyǵyna arnalǵan respýblıkalyq ǵylymı-praktıkalyq konferentsııa «Rýhanı jańǵyrý»  baǵdarlamasy aıasynda uıymdastyryldy,  dep habarlaıdy QazAqparat tilshisi.

Alqaly jıynda qarymdy qalamgerdiń ómiri men týyndylary keńinen saralandy.   

  Óz zamanynda Ábish Kekilbaev  qazaq ádebıeti men rýhanııatynyń damýyna  zor úles qosyp, Shekspır, Chehov, Tolstoı shyǵarmalaryn  qazaq  tiline aýdarǵan.  Sáıkesinshe, onyń týyndylary da  álemniń kóptegen tilderinde jaryq kórdi. «Men ómirde jolym bolǵan adammyn, óıtkeni, Ábishteı zańǵar tulǵany jeke tanydym. Onyń birneshe shyǵarmasyn joldasym ekeýmiz majar tiline aýdarǵan bolatynbyz.   Ábishtiń jazý sheberligine   shyǵarmasy jazylǵan kitaptardyń ár paraǵy dálel bola alady. Ol óz zamanynyń  ozyq jazýshysy bola bildi», - deıdi Býdapeshttegi qazaq dıasporasynyń tóraǵasy Ońaısha Mandokı. Aıta keteıik, respýblıkalyq ǵylymı-praktıkalyq konferentsııaǵa belgili professorlar, qoǵam qaıratkerleri, ǵalymdar men jýrnalıster qatysty.