Atyraýda 91 metrlik týtuǵyrdyń qurylysy bastaldy

ATYRAÝ. QazAqparat - Atyraýda 91 metrlik týtuǵyrdyń qurylysy bastaldy. Bul týraly Atyraý oblysynyń ákimi aǵymdaǵy jyldyń aqpan aıynda halyqqa esep berý kezdesýinde jobany tanystyrǵan bolatyn, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.

Týtuǵyr Á.Jangeldın-Qulmanov kósheleriniń qıylysynda ornalasatyn bolady. Týtuǵyr kesheniniń tabanynyń aýmaǵy 57 sharshy metr, al bıiktigi 91 metr bolady. Týtuǵyr kólemi 112 sharshy metr bolatyn jańa alańda ornalasady. 

Sonymen qatar, týtuǵyrdyń eki jaǵyna eki sýburqaq salynady. Sýburqaqtar bes deńgeıden turatyn kaskad túrinde jasalady.

Týtuǵyr qalanyń barlyq jaǵynan kórinetin eń bıik qurylys bolatyny sózsiz. 91 metr joǵaryda ornalasatyn memlekettik týymyz qalamyzdyń sánin keltiretin bolady. 

Aıta keteıik, qurylys jer paıdalanýshylardyń áleýmettik aýdarymdarynan tólenip,memlekettik jeke menshikke qaıtarylǵan qoldanbaǵan jer bóliginde ornalasady.