Atyraýda 91 metrlik týtuǵyr ornatylady

ATYRAÝ. QazAqparat –Atyraý qalasynda 91 metrlik týtuǵyr ornatý jumysy jalǵasyp jatyr, dep habarlaıdy QazAqparat.

Bul týraly Atyraý qalasynyń ákimi Qaırat Orazbaev óńirlik BAQ ókilderimen kezzdesýde málim etti.

«Týtuǵyrdyń bıiktigi –91 metr. Ony jańadan jasatý úshin Túrkııadaǵy zaýytqa tapsyrys berildi. Osyǵan baılanysty qazir esepteýler men materıaldar tekserilýde. Týtuǵyrdy Túrkııadan ákelý merzimine ózgeris engizilmese, ony shildede ornatý josparlanyp otyr», - dedi Atyraý qalasynyń ákimi Qaırat Orazbaev.

Eske sala ketsek, byltyrǵy 20 jeltoqsanda Atyraýda salynyp jatqan týtuǵyr ókpek jeldiń ekpinimen qulaǵan edi. Sol kezde munyń sebebin «Kastador» JShS-niń dırektory Aıdyn Álmuhambetov dánekerlengen jiginiń jarylýynan degen bolatyn.