Atyraýda 9 jastaǵy balyqshy jarystyń barlyq derlik júldesin oljalap ketti
ATYRAÝ. QazAqparat - Atyraýda búgin alǵash ret sporttyq-áýesqoı balyq aýlaý boıynsha jarys ótti, dep habarlady «QazAqparat» HAA tilshisi.
Oǵan 90 adam qatysty, balyqty olar spınnıng, salma nemese qaltqyly qarmaqpen aýlady. Jeńimpazdar birneshe nomınatsııa boıynsha (birinshi aýlanǵan balyq úshin, eń iri balyq úshin, eń aýyr balyq úshin) túrli júldelerdi ıelendi.
«Bul kún 9 jastaǵy Shyńǵys Ádilhan úshin sátti boldy. Ol úsh nomınatsııa boıynsha da jeńimpaz atandy. Eń jas qatysýshy eń iri jáne eń aýyr balyqty aýlady. Sóıtip Shyńǵys jarystyń úsh júldesiniń ekeýin qanjyǵasyna baılady», - dep habarlady qalalyq ákimdiktiń baspasóz qyzmetinen.
