Atyraýda 9 jasar qyz sýǵa qulap, kóz jumdy
ATYRAÝ. QazAqparat - Atyraýda 9 jasar qyz abaısyzda sýǵa qulap kóz jumdy, dep habarlaıdy QazAqparat tilshisi.
«Qaıǵyly oqıǵa keshe saǵat 19.45-de Atyraý qalasyndaǵy Balyqshy kentindegi Jaıyq ózeninde bolǵan. 2009 jyly týǵan qyz bala abaısyzda sýǵa qulap ketti. Batys óńirlik aeroutqyr jedel-qutqarý jasaǵynyń 3 qyzmetkeri men arnaıy qaıyqtary qyzdyń denesin sýdan saǵat 20.50-de alyp shyqty», - delingen oblystyq TJD taratqan habarlamada.
Aıta keteıik, shomylý maýsymy bastalǵaly Atyraý oblysynda osymen 14 adam sýǵa ketken. Onyń 8-i balalar.
