Atyraýda 9 kóshe jańadan jaryqtandyryldy

ATYRAÝ. QazAqparat - Atyraýda 9 kóshe jańadan shamy bar baǵandar ornatyldy. Joba jergilikti bıýdjet qarajaty esebinen júzege asty, dep habarlaıdy QazAqparat.

Atyraý qalalyq Turǵyn úı-kommýnaldyq sharýashylyǵy, jolaýshylar tasymaly jáne avtokólik joldary bóliminiń málimetinshe, jańa baǵandar 20 shaqyrym bolatyn 9 kóshege ornatylǵan. Kóshe jaryqtaryn ornatý jumystarymen «TımaksElektro» JShS merdiger mekemesi aınalysty. Elektr jelileriniń eski baǵandaryn aýystyrý jáne jańalaryn ornatý eki aı ishinde - 2018 jyldyń qarashasynan bastap jeltoqsanyna deıin júrgizildi.

Atap aıtqanda, jańa jaryqtar M.Áýezov, Govorov, Elevator, Peretaska ózeninen Qursaı aýyly arqyly Damba tasjolyna deıin ornatyldy. Jańa elektr jelisi baǵandary Atyraý yqsham aýdanynda, S.Datov, Smaǵulov, Satybaldıev, Perevoznık, Sh.Ýálıhanov, M.Qaziret, A.Baıtursynov, Á.Jangeldın, Balǵymbaev jáne Qurmanǵazy kóshelerinde ornatyldy.

Sondaı-aq, Q.Sátbaev dańǵylyndaǵy kóshelerdi jaryqtandyrý jumystary júrgizilýde, bul jumystar 2018 jyly bastalǵan jáne bıylǵy jyly jalǵasatyn bolady.
«Qazirgi ýaqytta Azattyq dańǵyly boıynsha kóshelerdi jaryqtandyrýdy qaıta qurý úshin jobalyq-smetalyq qujattama ázirlendi. Qazirgi ýaqytta ol táýelsiz memlekettik saraptamadan ótti, aǵymdaǵy jyldyń ekinshi jartysynda qurylys-montajdaý jumystary josparlanýda», - dep habarlady bóliminen.

Budan bólek, MJÁ aıasynda 2019 jyly kóshelerdi jaryqtandyrý boıynsha Atyraý jáne qala mańyndaǵy 189 kóshede shamdar men baǵandar jańartylady. Qazirgi ýaqytta jobanyń jobalyq-smetalyq qujattamasy memlekettik saraptamadan ótýde.