Atyraýda 9 kelige jýyq marıhýana saqtaǵan kúdikti ustaldy
Oblystyq polıtsııa departamentiniń baspasóz qyzmetinen málim etkendeı, kúdikti keptirilgen marıhýanany úıinde saqtap kelgen.
«Esirtki qylmysyna qarsy is-qımyl basqarmasynyń qyzmetkerleri jedel-izdestirý sharalaryn júrgizip, esirtki zattaryn saqtaǵan 1973 jylǵy kúdiktini anyqtady. Sot-saraptamanyń qorytyndysyna sáıkes salmaǵy 206 polıetılen qapqa salynǵan 8 keli 867 gramdy quraıtyn zattar keptirilgen marıhýana ósimdigi ekendigi rastaldy. Kúdikti retinde oblys ortalyǵynyń turǵyny ustalyp, qamaýǵa alyndy», -dep habarlady departamenttiń baspasóz qyzmeti.
Qazir atalǵan derekke qatysty QR Qylmystyq kodeksiniń 297-babynyń 3-bóligimen sotqa deıingi tergep-tekserý amaly bastaldy. Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy.
Eske sala ketelik, budan buryn Atyraýda brakonerlerden bekire men esirtki tárkilengenin habarlaǵan edik.
Úsh kúdiktiniń birine tıesili kólik garajynan almaǵy 101 keli qara balyq, 20 keli bekire tuqymdas balyqtar túrleri, 7 dana kóleminde esirtkige uqsas zattar tabylǵan. Taǵy biriniń garajynan 5 dana motorly qaıyq pen tirkelmegen 16 kalıbrli eki uńǵyly myltyq tabylyp, tárkilengen. Kúdiktilerdiń jasy – 46, 41 jáne 38-de.
Ustalǵan kúdiktilerge qatysty QR Qylmystyq kodeksiniń 339-baby 1-bóligimen, 296-baby 2-bóligimen sotqa deıingi tergeý amaldary júrgizilip jatyr.