Atyraýda 9 qabatty eki úı karantındik statsıonarǵa beriledi
Atyraý qalasy ákiminiń orynbasary Rınat Jańǵylyshovtyń aıtýynsha, qazir Bereke shaǵynaýdanynda 240 páterli kópqabatty 10 úıdiń qurylysy júrip jatyr. Búginge deıin 3 úı paıdalanýǵa berilip, bir qabatyna apatty jaǵdaıdaǵy baspana turǵyndary ornalasqan.
«Taǵy 2 úı daıyn tur. Biraq, aımaqta koronavırýs ınfektsııasynyń taralýyna baılanysty bul úılerdi oqshaýlaý orny retinde paıdalaný jóninde sheshim qabyldandy. Bul úılerdiń árqaısysynda 240 páter bar. ıAǵnı, 2 úıde 480 oryn bar» -deıdi Atyraý qalasy ákiminiń orynbasary Rınat Jańǵylyshov.
Búgin bul úılerdi polıtsııa qyzmetkerleri oqshaýlady. Onda dezınfektsııa júrgiziledi. Keıin munda dezınfektsııany 3 kún saıyn júrgizý josparlanyp otyr.
«Munda indet juqtyrǵandarmen baılanys jasaǵan adamdar ýaqytsha ornalasady. Bul turǵyndarǵa qaýip týǵyzbaıdy», - deıdi Rınat Jańǵylyshov.